x
Català Castellà
Registra’t | Iniciar sessió Registra’t Iniciar sessió
Menú Buscar
Cercador de l’Hemeroteca
Segre Segre Premium

DELIN E DE LAN
  • AMADOR MARQUÉS

Institucions

31/08/2019 a les 05:22
Institucions

Totes les imatges i continguts de SEGRE.com tenen drets i no es permet la seva reproducció i/o còpia sense autorització expressa.

© Institucions

SEGRE

Institucion ei çò qu’ei instituït ena defensa der interès comun, tan dificil de definir, mès de forma pragmatica e damb volentat de permanéncia, en nòm d’arrés e en representacion de toti. Atau ei en ua democràcia. Es institucions, qu’amassen grops de persones (parlaments, govèrns, partits…), compden damb es sòns procediments e tempsi de deliberacion, jos ua perspectiva cèrtament de viatges encorsetada (pr’amor que respon tanben a un contèxte originau disparion), mès jos es principis regulatius dera publicitat, era transparéncia e er ideau compartit de resòlver es ahèrs publics çò de mès justament possible, pr’amor qu’er institucionalisme non ei pas un individualisme consagrat ara maxima categoria politica, coma fòrça viatges se l’a volut veir, en tot hèr dera institucion un esturment de part. Totun, ara viuem (o tornam a patir) uns tempsi de descrèdit des institucions, per part, sustot, des naui e vielhs populismes, que parlen en nòm deth “carrèr”. Es lidèrs d’aguesti populismes non dubten en agasar-les de formes diuèrses. Era darrèra mòstra mos l’aufrís eth premier britanic en tot barrar era Cramba des Comuns enquia octobre. Es institucions, en democràcia, pòden èster subjèctes a reforma e adaptacion as naues practiques sociaus. Mès era institucion ei de besonh tà canalizar eth corrent sociau d’ua forma civica e ordenada, non caotica, pr’amor qu’ua democràcia sense lei, ne procediment ne institucions, en dèishe d’èster. Quan era barra liura se daurís entre eth “carrèr” e es sòns pòrtavotz sonque cau témer era trampa deth sòn messianisme e arbitrarietat. Per açò, coma acabe de compréner ara Itàlia, mos calen institucions democratiques tan flexibles coma fòrtes.

Temes relacionats
El més...
segrecom Twitter

@segrecom

Envia el teu missatge
Segre
© SEGRE Carrer del Riu, nº 6, 25007, Lleida Telèfon: 973.24.80.00 Fax: 973.24.60.31 email: redaccio@segre.com
Segre Segre